Donnerstag, 30. März 2017

Rapsodi që këndoj edhe përballë armëve të pushtuesit

Shaban Shishmani, rapsodi që nuk e ndali këngën as përballë armëve të pushtuesit.

Rapsodi Shaban Shishmani do të këndoj live 
në Radio LIRIA, të premten (31.03.2017) nga ora 21:00, 
në emisionin "Yje të muzikës folklorike".

Nga: Haxhi Muhaxheri

Rapsodi ynë i njohur Shaban Shishmani lindi në vitin 1948 në fshatin Shishman, komuna e Gjakovës. Ka filluar te këndoj në moshë shumë të re, që kur ishte 11 vjeçar; duke vazhduar mëpastaj të këmdoj ndper oda burrash dhe gazmende familjare.

Kështu, pas disa vitesh, Shaban Shishmani bëhet anëtarë i Shoqërisë Kulturore Artistike “Ganimete Terbeshi” ku bashkë me këngëtarët tjerë që ishin anëtare të kësaj shoqërie si: Shkelzen Jetishi, Mazllum Morina, Zenel Doli, Ismet Bytyqi etj., merr pjesë në manifestime të ndryshme në vitet e 80-ta, ku paraqitej denjësisht me këngët folklorike që i këndonte.

Po ashtu, rapsodi i ka të paharrueshme edhe çastet kur këndonte bashkë me këngëtaret Sokol Syla dhe Nexhmedin Syla.  Njëherit, Shaban Shishmani i përmend me respect edhe koleget me të cilët ka kënduar në evente të ndryshme kulturore dhe neper dasma, si: Muhamet Sejdiu, Zenel Ymeri, Ndrec Gojani, Tafil Agaj, Islam Hasi, Miftar Meta, Besim Avdyli, Sadik Kuçi etj.

Rapsodi Shaban Shishmani ka kënduar pothuaj në të gjitha trevat e Kosvës. Mandej në Shqipëri, në Maqedoni dhe shtete të Europës, si: Austri, Gjermani, Zvicer, Belgjikë etj.

Në vitin 2001 në Shqipëri, paraqitja e Shaban Shishmanit me grupin folkloric vlerësohet me vendin e pare. Kurse pas shtatë vitesh, në  Festivalin e Gjirokastrës, paraqitet denjësisht bashkë me grupin folklorik dhe kënga e tyre kushtuar Bajram Currit, edhe kësaj radhe vlerësohet me vendin e parë.

Shabani, gjate karierës së tij, ka pasur fatin të këndoj edhe me rapsodet me të njohur të kohës, si: Shaqë Avdia, Lan Dobra, Bajrush Doda, Augustin Uka, Idriz Luma, Marash Krasniqi, Tahir Drenica, Ibish Mulaku etj.

Shaban Shishmani nuk e ka ndalur këngën edhe kur ndonjëherë policia serbe ia ka mbajtur grykën e armës në fyt, siç ka ndodhur kur ishte duke e kënduar këngën për Sylejman Vokshin në ditën e shkollës që e mbanë me krenari kwtë emer në Smolicë të Gjakovës.

Ky është Shaban Shishmani, rapsodi ynë që gjithmonë na ka gezoar me këngët e tij, të cilave u jepte shpirt. Ky është Shaban Shishmani që gjatë gjithë jetës ju këndoj dhe vazhdon tu këndoj me shumë dashuri e respekt ngarjeve historike dhe dëshoreve të kombit.

Ky është Shaban Shishmani që njëkohësisht, nuk nguron për ti kënduar as dashurisë, ashtu si i kanë kënduar edhe rapsodet me të njohur shqiptarë, si: Dërvish Shaqa, Rizah Bllaca, Salih e Feriz Krasniqi, Lan Dobra, Brahim Uka, Bajrush Doda, Augustin Uka etj.

Përkunder faktit se është në moshën 69-vjeçare, rapsodi Shaban Shishmani është mjaft vital dhe asnjëherë nuk e ka tradhëtuar zëri. Madje, zëri i tij edhe sot e kësaj dite jehon aq fuqishëm sa shumëkush mund t’ja ketë zili.

31.03.2017

Donnerstag, 23. März 2017

SHF "Metush Krasniqi" e Roganës, në Radio Liria...


Moderatorë të këtij emisioni: 
Haxhi Muhaxheri nga Radio Liria
Belgizare Kryeziu nga SHF "Metush Krasniqi"

Skype: Radi Liria
Tel. dhe Viber: +43 664 37409040

Dienstag, 21. März 2017

Vasil Marku: REFLEKS I KRISTALTË

Poeti Vasil Marku

Refleks i kristaltë
(Miku tim Haxhi Muhaxheri)

Me krahët marr qiellen e artë t'mjesditës
Etjen e diellit shue e kam n'kristal
Tue puthë hanen në buzë të dritës
Sa herë që të preku të them ah, m'fal...

Shkrepa si yjet n'dasi pendeset
N'planete t'mendes vargzoj me ty 
Jam vetë refleksi permbas kometet
Ndër botë të harrueme rimat me i thye

Se andrres që s'e andrrova kurr
Tek palma e fatit gjeta nji vertetë
N'erë t'makthit të fjalve që lshon nji burrë
Zotat perulen, se herë flet nji poet...

Si shtojzovalle galdon breznive
Vallzon n'log t'qiejve, gjurmë n'tokë tue lanë
Penda nuk heshtë por si n'kangë t'trimnive
çon zanin n'qiell per çka nuk asht thanë...

Digjem si jeta që ti pret drutë shkurt
Flakem n'duert tueja porsi fëmi
T'falem si Zotit tue t'i puthë duert
Oh ma e magjishmja, hyjneshë, poezi....

E magjishmja poezi

Nga: Haxhi Muhaxheri

Dritën ia vodha diellit
Hënës bukurinë

Fillikat i vetëm
Vrapova planeteve
E luftë ju shpalla perëndive

Për vrimë të gjilpërës
E kalova detin

Linda e vdiqa
Disa herë për Ty

Po prapë e virgjër mbete
E loze me mua
Si me një fëmijë

Ti e dashura ime
E magjishmja poezi

Donnerstag, 16. März 2017

Dienstag, 7. März 2017

Radio Liria: KËRKOJMË BASHKËPUNËTORË - FOLËS


Radio LIRIA është krijuar rishtas dhe pasi jemi duke e bërë kompletimin e stafit, vendosëm që publikisht të kërkojmë bashkëpunëtorë për udhëheqjen apo moderimin e emisioneve.

Moderator për  "Emisioni i mëngjesit"
Moderator për  „Emisioni e natës“.
Moderator për  „Urime dhe përshëndetje“.
Moderator për  „Dëshirat e dëgjuesve
Moderator për  "Emisioni për fëmijë
Moderator për emisionin "Toplista..."
Moderator për emisionin "Mërgata..."
Moderator për emisionim "Ju prezantojmë"
Moderator për "Emisioni për Çamërinë"
Moderator për emisionin "Oda e Lalës" etj.

Ata që dëshirojnë të jenë folës (moderator) në Radio LIRIA, duhet të flasin rrjedhshëm, të kenë kulturë komunikimi dhe zë radiofonik.

Të gjithë të interesuarit mund të na shkruajnë në adresen: radioliria@hotmail.com

Përparësi kanë ata që e njohin natyrën e punës së moderatorit dhe që kanë moderuar në ndonjë radio tjetër.

Për të bashkëpunuar me radio, duhet të keni lidhje interneti, një kompjuter apo leptop, një mikrofon, dëgjojset dhe vullnet. Punën në radio mund ta bëni nga shtëpia e juaj, duke ia paracaktuar vetës kohen, orën apo ditën kur ju jeni të lirë dhe nuk keni obligime tjera të domosdoshme. Pas kësaj, në bazë të skemës programore, ju duhet të përcaktoheni se ku mund të jepni kontributin tuaj, në cilin emision të radios... Së këndejmi, ju mund të keni edhe ndonjë emision tuajin dhe të jeni autorë i atij emisioni, duke e krijuar edhe rrjetin tuaj të bashkëpunëtorëve.

Shumica e radiove, sikur se edhe ne, për emisione kantakrti përdorim Skypen, sepse jep mundësi për komunikim në grup, për bashkëbisedim me dëgjuesit dhe për biseda me mysafirë apo intervista të drejtperdrejta në radio.

Nese jeni të gatshem dhe keni vullnet, ne ua krijojmë kodin me të cilin mund të hyni drejtperdrejt në radio për ta mbajtur apo moderuar emisionin tuaj. Kodi krijohet nga administratori ekskluzivisht për ju dhe mund të përdoret vetem nga ju. Kësisoj, përderisa ju të jeni duke e moderuar dhe transmetuar emisioni tuj, nuk ka mundësi për të hyre apo për të ju penguar askush nga bashkëpunëtoret tjerë. Vetem pasi jua ta keni kryer transmetimin e emisionit tuaj, atherë i jepet mundësia për të hyrë moderatorit tjeter që ta filloj transmetimin e emisionit të radhës. Ndërsa, pasi ju të keni dalur nga radio dhe deri në emisionin e radhes, aktivizohet vet muzika që shkon automatikisht nga serveri dhe fonoteka. Kështu, radio vazhdon të jetë 24 orë në transmetim.

Së fundmi, ju njoftojmë se Radio Liria është Radio e Internetit e krijuar ne fillim të këtij viti, nuk financohet nga askush dhe e gjithë puna bëhët në baza vullnetare,

Radio LIRIA është e hapur për të gjithë. Ndaj, mos nguroni për ta dëshmuar dhe shprehur talentin tuaj!

Ju mirëpresim!

07. 03. 2017

Montag, 6. März 2017

E hëna sportive me gazetarin Miftar Dragidella

Gazetari Miftar Dragidella
Risi në Radio Liria

Sonte (6.03.2017), nga ora 21.00 – 22.50 në valet e Radio Liria keni rast të dëgjoni emisionin „E hëna sportive“.

Pos që do të njoftoheni me rezultatet sportive të klubeve nga trojet tona etnike: Shqipëria e Kosova poashtu do të njoftoheni edhe me rezultatet e klubeve shqiptare në diasporë si dhe me ngjarjet kryesore sportive në botë.

Po ashtu, ky emision sportiv do të shoqërohet edhe me muzikë të zgjedhur nga fonoteka e kësaj radio.

"E hëna sportive" do të jetë emision i rregullt dhe do të transmetohet nga studio e sapokrijuar në Frankfurt të Gjermanisë. 

Është ky një sihariq i mirë për të gjithë dashamiret e sportit dhe dëgjuesit e kësaj radio.

Redaktor dhe autor i emisionit është Miftar Dragidella.

Emisioni mund të ndiqet në këtë adresë: www.radioliria.com

Sonntag, 5. März 2017

Kthimi i Adem Jasharit në kullë


Meditim për heroin nga Arif Molliqi

„Nëse vritem më i madh jam se vrasësi“
                                                    (Ali Podrimja)

Ai që i rri afër kullës,
Ai i rri afër Zotit,... 
I rri afër Atdheut sepse,... 
Në këtë kohë nuk i zihet besë njeriut, atij „njeriut“ çfarë ne i kemi fqinjët... Atij qe i lakmon kullat e huaja , i lakmon tokat e huaj, e lakmon Atdheun e huaj...Tokë me i fal shkaut nuk kam dhe qe besa as qençe nuk jetohet ma, po po kthehem në Drenicë, në Kosovë...! Kështu diçka ka thënë Adem Jashari kur në Shqipëri me 1992 i kishin thënë, të largohet diku në shtetet e perëndimit se kthimi në Kosovë do të jetë rrezik për te. 
Por jo.
Ai ( Adem Jashari) me dy kobure në brez, ashtu si Gjeneral Isa Boletini dikur, e mori rrugën për në kullat e Drenicës. Rrugë në rrugë, shteg në shteg e besa pritë në pritë udhëtoj gjatë nga Shqipëria deri në Prekaz. Kaloj shtigje të vështira atyre bjeshkëve shqiptare. Gjatë rrugës diçka e kishte ndalur...Një kufi që kurrë Ademi nuk e kishte pranuar. Një kufi artificial. Sa ishte lodhur e ndoshta kjo lodhje ju shtua edhe më shumë kur pa atë guri aq të madh, aq të shëmtuar që i ndante dy vëllezërit mësipërmes... 
U ndal. Gjatë e shikoj, herë vijën kufitare e, herë gurin e kufirit. Ju duk se ajo vijë e tërhequr me tehun e shpatës që aq gjatë kishte kulluar gjak, ajo vijë po i kalonte mbi trupin e tij kurse, guri me dy- tri shkronja cirilike po i peshonte aty ku frymon, mbi mushkëritë.
U mundua të marr frymë thellë por, jo. Guri e rëndonte. Ia kishte ndarë dy pjesët e kraharorit, të dy mushkëritë merrnin frymë ndaras... 
Ah, ky guri i kufirit?!... 
E shikoj Shqipërinë, e sikur dëgjoj Aliun e Podrimjes më atë „Etyde për Shqipërinë“ „ Xhuxhe je moj/ xhuxhe je ti/ pa mua“ 
Pastaj, shikoj nga Kosova , por nuk foli. 
I kishte të pakta fjalët... 
Pak fliste e, më shumë vepronte... 
„ Tokë me nda nuk kam/...Me vdekke duhet mësue/ Qençe nuk jetohet ma“ ( Ali Podrimja, „Ishulli Albania“) 
E tundi xhurdinë, koburen e shtrëngoj fortë. 
I mati malet më sy. 
Po të ishte Bajroni gjallë në shënimet e tij në „Çajld- Harold“ përveç shënimit; „ Shqiptarët përgjithësisht kanë një dukje të mirë...janë më madhështorët në botë...“ do të shënonte edhe ketë; kur Zoti i ka krijuar këta njerëz kaq madhështorë s´ka sesi të mos shpëtoj kjo tokë nga të këqijat, nga grabitqarët (?!)...
Pastaj, zbriti malit e drejt rrafshit të Dukagjinit. 
Netët e rrugëtimit deri në Kullën e Jasharajve i kaloj kullë në kullë, anë e kënd Kosovës.
Bisedat nuk kishin të sosura atyre netëve në odat e Kosovës.
I kishin thënë, do vriteni Adem!... 
„ Nëse vritem/ më i madhi jam/ se vrasësi 
Ku ke parë or i uruar/ litarin nga qafa/ ta heqë i ligu“ (Ali Podrimja, Pika e bardhë) 
Unë kisha menduar deri në hollësi më të mëdha kur kisha dëgjuar se Adem Jashari ka arritur në Drenicë. Do ta kaloja bashkë një pjesë të pasdites, mbrëmjen dhe natën... Isha përgatitur unë në Hamburg e Adem Jashari në Drenicë...
Asnjë kobure nuk ma kishte dhënë Ademi se, ua kishte dhënë (?!) të tjerëve. 
Sa shumë ju kishte dhënë...?! Jo kobure, por zemër u kishte dhënë trimave Ademi, e ata më koburet (me zemrën) e Adem Jasharit luftonin në Drenicë, në Dukagjin, në Shalë... E kur hordhitë e egra barbare të zbritura nga Karpatet ia kishin mësy Kullës së Jasharajve, aty ku plaku Shaban Jashari( babai i Ademit dhe Hamzës) nuk e lëshonte kullën për krejt mallin e dynjas, aty Kosova nisi të frymoj ndryshe... 
Thonë se gjëmimi i topave të hasmit që ia rrihnin Kullën axhës Shaban, ishin dëgjuar larg. Shumë larg deri... 
Edhe muret e Kullës kishin qëndruar deri sa dikush i kishte thënë Ademit... 
Me siguri Alia i Podrimjes; 
„ Hap syrin/...Hija e vdekjes/ (ta) ma paska mbuluar Kullën „ ( Beteja e Kosovës)
E, Adem Jashari ju kishte përgjigjur me vargjet e poetit: 
„ Kur të vdes 
Varrosmëni ku të doni 
Stom një burimi 
apo nën sjetull të një Mali 
Vetëm ku flitet Shqipja...“

(Hamburg, 1998, Nga libri i autorit “Përplasje”)

Rapsodi nga Rrahim Sadiku


Male, fusha, lumenj, lugina, det, bregdet... Iliri. I shoh të gjitha dhe pranverë e vjeshtë, dimër e verë, bora e acari nuk zbresin nga mendja, nuk largohen nga zemra.

E si të mos shpërthej në vaj e si të mos lëshoj zëre me ulërimë, që dridhin të gjallë e të vdekur, bimë e dhe, mbetur kështu në trollin e të parëve e pa atdhe. E si të mos pëlcas nga pafuqia ime tek shoh se si në Iliri iliri është duke u tretur si kripa në ujë, duke u ndjekur si të ishte gjah, duke u dhe e popullit tim, larguar nga vetja, duke marrë fytyrë tjetër, gjuhë tjetër, besim tjetër.


O, ky iliri. I liri. Pa liri. Duke dalë firi.

Në jug e veri, në lindje e në perëndim, tokat ilire të shndërruara në murana, në rrënoja, në troje që mbulohen nga heshtja e sundohen nga prania e vdekjes.
Eci e lëndohem, pushoj e stërlodhem, këndoj e vuaj, i pashpresë i përkushtohem shpresës.

Gdhen në vete e nxjerr si këngë trimërinë e bjerrur, madhështinë e tretur, lumturinë e harruar. Endem betejave të fituara dikur e nuk përmend humbjet e mëdha.
Dua të ruaj tëmadhërishmen ilire.

Me Mujsin e ushtarët e tij rendit veprat trimërore e kujtoj se ne kishim një Bato ilir, dalë nga derë e Desitiatëve, që mundi romakët në shumë beteja e i dërrmoi në betejën e madhe. Dhe kujtoj me heshtje e ia fal harrimit atë Baton e Breukëve, që na e vari litarin e tradhëtisë mu kur na lumturonte fitorja, mu kur shihnim se do të vendosej përjetësisht në këto troje liria.


E rëndë, shumë e rëndë, në ne zuri vend tradhëtia.

Dhe zgjodha Judbinën si vend ku e rrita trimërinë, ku duke shoqëruar Baton, u njoha me kreshnikërinë.

Dhe rrita Klladushën si vend ku besimi ilir, deri vonë, ishte vërtet i hyjnishëm. Dhe këndova e ҫlirova Kotorret e Reja, vendin më të bukur mbi këtë dhe, ku sundoi dhe ndërtoi e madhërishmja jonë, Mbretëresha ilire, Teuta. Ajo Teuta, që është Tanusha e këngëve të mia.

E dal në Panoni, ku fise të egra janë shtruar e na kanë vjedh historinë e lavdinë dhe zhdukin ilirët e marrin krejt ҫka kishin ata.

E kryej trimëri anembanë kësaj bote, për të harruar, së paku për një kohë plagët dhe dhembjet e mia.

E gjej prehje në bjeshkët e mahnitshmme të Lugjeve të Verdha, prej nga hedh shikime mallëngjimi mbi Malësinë e Madhe e mbu Fushën e Mëllenjave, duke marrë me mend hijeshin e Pindeve e mikpritjen e Korfusit.


Të gjitha më mungojnë e të gjitha i arrij dhe i bëj si dua, me këngë.

Me këngë e bëj të pavdekshëm Siyllin, simbolin e bukurisë e guximit ilir, të riun që e kam njohur me mijëra herë në beteja, në gëzime, në udhëtime të gjata.
Së paku nëpër këngë Iliria të mbetet ajo që ishte e që duhet të jetë.

Freitag, 3. März 2017

Në Radio Liria - Emision special për rapsodin Agim Gashi

Ditën e shtunë më 04. 03. 2017 nga ora 20:30 në Radio Liria do të jepet një emision special kushtuar rapsodit të njohur, poetit dhe veprimtarit të shquar Agim Gashi. Të gjithë ata që e duan, e respektojne dhe e njohin veprimtarinë Agim Gashit dhe që dëshirojnë të kontribojnë në këtë emision, i mirëpresim.

Skype: Radio Liria
Tel. dhe Viber: +43 664 374 9040
Mund te lidheni edhe pasi të keni hyrë në portalin  http://radioliria.com, duke klikuar mbi logon e Skypes që gjendet në krahun e djathë të portalit apo mbi linkun e shenuar më lartë.

Ju mirëpresim!




Biografia e Agim Gashit

Agim Gashi lindi më 27.07.1954 në fashatin Akllap të Komunës së Lipjanit. Shkollën fillore katër klasëshe e kreu në vendlindje, ndersa katër klasët tjera në Janjevë dhe Sllovi. Akademinë e mësuesisë e kreu në vitin 1973 dhe u punoj si mësues, në fshatin e lindjes dhe mëpastaj në Janjevë. Ndërkohë vazhdoi studimet në gjuhë dhe letërsi.


Meqenëse Agimi në shpirt e kishte këngën dhe muzikën, që nga viti 1973 ishte edhe këngëtar i rregull i RTP-së. Kjo e rrëmben për ta shkëputë nga studimet dhe për të vazhduar shkollimin e zërit tek profesori i njohur Terpkov nga Shkupi, që ishte baritonisti më i njohur i kohës. Në këtë periudhë, Agimi merret me folklorin dhe ishte bashkpuntor i jashtëm i Institutit Albanologjik të Prishtinës, seksioni i etnomuzikologjisë dhe i folklorit. Aty pati rastin të bashkpunoj ngusht me Prof. Anton Çetten, Bahtrir Shehollin, Anton Berishen, Dr. Zekiria Canen, Rexhep Munishin etj. Krahas këngës, Agimi merrej edhe me letërsi. Poezinë e parë Agimi e botoi në moshën dhjetë vjeçare në gazetën „Pionieri“.

Jasht veprimtarive kulturore. Agimi merr pjesë edhe në protestat dhe demonstratat e vititi 1968, 1981, 1989 etj. Kjo bëi që ai nga regjimi komunist të denohet me vite burgim, maltretohet, persekutohet dhe izolohet. Përderisa në fund në janarin e vitit 1994 ai detyrohet të marrë rrugën e mërgimit. Atij më 21 janar 1994 ia vrajnë djalin, Ninelin 17 vjeçar dhe që atëherë nuk i dihet as varri.

Agimi nuk e ndal aktivitetin asnjëherë Përseri merr pjese ne demostrata, ne pajtimin e gjaqeve dhe te gjitha veprimtarite atdhetare te kohës. Ai për ti përjetësuar ngjarjet historike te kombit, shkruante tekste dhe këndonte. Janë të njohura ëngët e tij kushtuar demostratave te vitit 1981, pajtimit të gjaqeve, 2 korrikut, Skënderbeut, Adem Jasharit, Ibrahim Rugovës, Nënës Tereze, Anton Çettës etj. Buçima e këngës së tij jehonte fuqishëm në të gjitha trojet etnike. 


Agim Gashi deri më sot ka kënduar e regjistruaar afër tremijë këngë, ndersa afer treqind i ka për Dëshmoret e Kombit.



Librat e botuar:



  1. Me grykë pushke këndon Kosova, 
  2. Kohë e pakohë e vendit tim, 
  3. Epoka e nderit
  4. Muzgu i durimit



Për Agim Gashin u shkruan dy libra:


  1. "Mos e lësho sharkinë prej dore", përmbledhje poezish për Agim Gashin realizuar nga Sabit Rrustemi, dhe:
  2. "Jo mos ik vëlla Agim Gashi" nga poetja Donika Çela e cila jeton në Itali.



Rapsodi ynë i njohur Agim Gashi sot vuan nga kanceri dhe gjendet i shtrirë në spitalin e Acheni dhe në gjwndje të vështirë shëndetesore.




Poezi nga  Agim Gashi



JETA MBAN EMRIN TËND


(Njeriut që më dhuroi mëlçinë ) 


Akoma jetoj me frikën, 

Dhe bisedoj me ty
Vëlla a motër ishe nuk e di.

Ne mua jeton edhe ti.

Bashkë me endrrat dhe shpresën
Për të ardhmën 

Ti

Jetën deshe
Më shumë nga të gjithë
E dashurisë i dhe shpirt

Jeton në frymen time

Në këngët që po lindin

Jeton në Formulën e Dhembjës

Në Planetin e Dashurisë 

Jeta mban emrin tënd

Dhe lutjen për të nesërmen




KUR BIE SHI


Kur ngryset qielli

Ngryset zemra ime

Kur bie shi

Lotojnë edhe sytë

Sa shpesh

Erret qielli
Dhe bies hi

Bubullimë 

Në shpirtin tim




ATDHEU


Atdheut i fala dashurinë,

Ishte pak

Ia fala lumturinë

aq sa kisha

I fala djalin

Oh…
Te bukurin e babit.

Do ia falë të gjitha 

Veç një varr të jap
Dhe një bajrak
Për mbulesë!




VIGANEVE TË POEZISË


Kur na iku Azem Shkreli

Edhe rrezet i ndali dielli, 
U ngrysen fushat e u ngrys mali
Qau zemra e çdo shqiptari.

E poeti Ali Podrimja,

Diamant lotin në sy, 
I shkruen vargjet e me lot i lan
Vargje vaji për mikune tij.

Sot nuk është as Ali Podrimja

Te Azemi ai ka shku, 
Erdhi n´Francë e mori Lumi
Me mik të vjeter me u taku.

E atje në jetë t´amshueshme

Janë ba bashkë shumë poet, 
Kush gënjye
Se poetët kan vetëm një jetë?

30.05.13

Düren